कात्रोको मुल्य

।।१।।
धन संपत्ति र रवाफ होईन,                                                                                                                         ईमान्दारिता र नैतिकताको मुल्य खोज ।                                                                                                        आखिर तिमीले लैजानु के छ,?                                                                                                                    कल्पनाको भूतबंगला होईन मेहनतको छाप्रो रोज ।                                                                                       के कुरा पाउन उसले नैतिकता छाड्दै गरेको छ ?                                                                                      रातो—दिन  भौंतारिएर कता कता जाँदै गरेको छ ।                                                                                  आखिर दुई मिटर कात्रोको मुल्य न हो,                                                                                                             त्यसले उसलाई लाँदै गरेको छ ।
।।२।।
उसले अरुलाई ढाँट्दै छ,                                                                                                                                      चिप्ला कुराले फोस्रा सपना देखाएर ।                                                                                                             आफैलाई छिनाल्दै छ,                                                                                                                                            धारिलो करौति आफैतिर तेस्र्याएर ।                                                                                                                आफ्ना वर्गतले भ्याएसम्म,                                                                                                                          निचोरेर रस खान पल्केकाहरु ।                                                                                                                त्यो रसले उसको पेटमा किरा परेको छ,                                                                                                    त्यो किराले विस्तारै उसलाई खाँदै गरेको छ ।                                                                                       आखिर दुई मिटर कात्रोको मुल्य न हो,                                                                                                         त्यसले उसलाई लाँदै गरेको छ ।
।।३।।
परपिडन पचाएर आफूलाई ठूलो ठान्नेहरु,                                                                                                विश्वास गर,
१२ वर्षमा खोलो फर्कदै गरेको छ ।                                                                                                                तिम्रो मुटु धरधर थर्कदै गरेको छ ।                                                                                                                 पुराना कर्तुतहरु केलाएर झिकिदै गरेको छ ।                                                                                               आखिर दुई मिटर कात्रोको मुल्य न हो,                                                                                                       झ्यालखानाको मझेरीमा तिम्रो बास नजिकिदै गरेको छ ।

ईश्वरीप्रसाद घिमिरे                                                                        कामनपा ३, रानीवारी